ალი

ვახუშტი ბატონიშვილის XVIII საუკუნის პირველი ნახევრის აღწერაში ალი მცირე ქალაქია, სადაც სომხები და ებრაელები ცხოვრობდნენ, ქართველები კი მცირერიცხოვანნი იყვნენ. ებრაელთა იქ დასახლების ზუსტი თარიღი უცნობია.

იოსებ ჩერნისთვის ცხინვალის მამასახლისის მიერ მიწოდებული ცნობით, ებრაელები ალში ვაჭრობას მისდევდნენ და მტრის შემოსევის შემდეგ, დაახლოებით XVIII საუკუნის 1770–1780-იან წლებში, ქალაქი დატოვეს. ალის სახელიდან მომდინარეობს გვარი ალელიშვილი.