ატენი

ატენში ებრაელები 1658–1675 წლებში შედგენილ ყმათა სიაში იხსენიებიან; სიაში ოთხი ებრაელია აღნიშნული. ვახუშტი ბატონიშვილიც ატენს ქართველებით, სომხებითა და ებრაელებით დასახლებულ მცირე ქალაქად აღწერს.

თემს საკუთარი სინაგოგა ჰქონდა, მოსახლეობის ძირითადი საქმიანობა კი სოფლის მეურნეობა იყო. ებრაელები ვენახის ნასყიდობის საბუთშიც მოწმეებად გვხვდებიან. XIX საუკუნის მეორე ნახევარში ბევრი მათგანი გორში გადავიდა; წიგნის გამოცემის დროისთვის ატენში ებრაელები აღარ ცხოვრობდნენ.